ប៉េអឹមចាប់ឈើស្រឡៅ និងផ្ចិកបាន៧៩សន្លឹកនៅក្រុងស្ទឹងត្រែង
ខេត្តស្ទឹងត្រែង ៖ កម្លាំងប៉េអឹមបានធ្វើការបិទផ្លូវចាប់គោយន្តកន្ត្រៃមួយគ្រឿង ខណៈផ្ទុកឈើលេខ១មួយប្រភេទ គឺផ្ចិត និងស្រឡៅរៀបចូលដាក់ក្នុងដីឡូត៍មួយកន្លែង ស្ថិតក្នុងភូមិព្រែក សង្កាត់ស្ទឹងត្រែង ក្រុងស្ទឹងត្រែង ។ ហេតុការណ៍បង្ក្រាបនេះបានកើតឡើងកាលពីវេលាម៉ោង១១និង២៥នាទីថ្ងៃត្រង់ ថ្ងៃទី១៣ តុលា ២០១៣ ដឹកនាំដោយលោកវរសេនីយ៍ឯក អៀង វ៉ាន់ឌី មេបញ្ជាការកងរាជអាវុធហត្ថខេត្តរួមនឹងមន្ត្រីប្រដាប់ដោយអាវុធជាច្រើននាក់ ។
ក្នុងប្រតិបត្តិបិទផ្លូវបង្ក្រាបនោះ សមត្ថកិច្ចបានរឹបអូសបានស្រឡៅ និងផ្ចិក៧៩សន្លឹក និងឃាត់ខ្លួនមនុស្ស២នាក់ជាម្ចាស់គោយន្តកន្ត្រៃបញ្ចូលរថយន្តនាំទៅទីបញ្ជាការ ។
ចំណែកឈើគឺនាំយកទៅរក្សាទុកនៅខណ្ឌរដ្ឋបាលព្រៃឈើខេត្ត ដើម្បីកសាងសំណុំរឿងបញ្ជូនទៅតុលាការ ៕
