Samsung ប្រកាសចេញជាផ្លូវការនូវទូរស័ព្ទ Galaxy S4 mini
បន្ទាប់ពីមានពាក្យចចាមអារ៉ាមនិងការលេចចេញនូវលក្ខណសម្បត្តិបច្ចេកទេសរបស់ Galaxy S4 mini ជាបន្តបន្ទាប់មក កាលពីល្ងាចថ្ងៃម្សិលមិញក្រុមហ៊ុន Samsung បានប្រកាសចេញជាផ្លូវការហើយនូវទូរស័ព្ទទំនើបមួយម៉ូដែលនេះ ។ បើតាមពាក្យចចាមអារ៉ាមនិងការរំពឹងទុករបស់អ្នកវិភាគមួយចំនួននោះថាក្រុមហ៊ុននឹងបញ្ចេញ Galaxy S4 mini នៅថ្ងៃទី២០ ខែមិថុនា ខាងមុខនេះ ប៉ុន្តែពេលនេះលក្ខណសម្បត្តិបច្ចេកទេសនិងរូបភាពរបស់ទូរស័ព្ទនេះត្រូវបានបញ្ជាក់យ៉ាងច្បាស់ដោយក្រុមហ៊ុន Samsung រួចទៅហើយ ។ បើទោះបីជាលក្ខណសម្បត្តិបច្ចេកទេសនិងរូបភាពរបស់ Galaxy S4 mini ត្រូវបានបង្ហាញយ៉ាងច្បាស់យ៉ាងនេះក្ដីក៏ក្រុមហ៊ុន Samsung នៅត្រូវតែយកទូរស័ព្ទទំនើបនេះទៅតាំងបង្ហាញនៅព្រឹត្តិការណ៍របស់ខ្លួននៅទីក្រុងឡុងនោះដែរ ។
លក្ខណសម្បត្តិបច្ចេកទេសរបស់ Galaxy S4 mini ដែលបញ្ជាក់ដោយក្រុមហ៊ុន Samsung មានដូចខាងក្រោម៖
- វិមាត្រ 124.6 x 61.3 x 8.94mm
- ទម្ងន់ 107 g
- អេក្រង់ទំហំ 4.3-inch
- មានពីរម៉ូដែល (Single-SIM និង Dual-SIM)
- បច្ចេកវិទ្យាអេក្រង់ Super AMOLED
- កម្រិតភាពច្បាស់ 960 x 540 pixels
- CPU Dual-core 1.7GHz (Qualcomm Snapdragon 400)
- GPU Adreno 305 GPU
- RAM 1.5 GB
- អង្គផ្ទុកទិន្នន័យទំហំ 8 GB (អាចបន្ថែម microSD card 64 GB)
- មានបំពាក់ដោយប្រព័ន្ធសេវា 3G, 4G LTE, Wi-Fi a/b/g/n, Bluetooth 4.0
- ដំណើរការដោយ Android 4.2.2 Jelly Bean
- កាមេរ៉ាមុខទំហំ 2 MP និងកាមេរ៉ាក្រោយទំហំ 8 MP
- ថាមពលថ្ម 1,900mAh
បញ្ជាក់ក្រុមហ៊ុន Samsung នឹងយកទូរស័ព្ទទំនើបមួយនេះទៅបង្ហាញនៅក្នុងព្រឹត្តិការណ៍របស់ខ្លួនដែលនឹងប្រារព្ធឡើងនៅថ្ងៃទី២០ ខែមិថុនា នាទីក្រុងឡុងផងដែរនេះបើយោងតាមប្រភពពី gsmarena.com ។ ចំពោះតម្លៃ និងកាលបរិច្ឆេទចេញលក់ក៏ដូចជាទីផ្សារនៃទូរស័ព្ទទំនើប Galaxy S4 mini នឹងត្រូវប្រកាសឲ្យដឹងនៅពេលនោះ ដូច្នេះសូមប្រិយមិត្តរង់ចាំតាមដានជាមួយពពក ៕
សូមទស្សនាវីឌីអូខាងក្រោម៖
សូមទស្សនាវីឌីអូខាងក្រោម៖
