ពិភពលោក តក់ស្លុត និង សោកស្តាយ ក្រោយករណីស្លាប់ អតីតនាយករដ្ឋមន្រ្តី អូស្ត្រាលី

ព័ត៌មានអន្តរជាតិ ៖ អតីតនាយករដ្ឋមន្ត្រី អូស្ត្រាលី លោក ម៉ាល់ខូម ហ្វ្រេស៊ឺ  បានទទួល មរណភាពហើយ ក្នុងជន្មាយុ ៨៤ ឆ្នាំ ដោយសារតែអការៈ រោគវាយប្រហារភ្លាមៗ ។ ការទទួលមរណភាពពី អ្នកនយោបាយ ជើងចាស់ ខាងលើនេះត្រូវបានប្រកាស ដោយការិយាល័យ របស់លោក នៅ ព្រឹកថ្ងៃសុក្រ ទី ​​​  ២០ ខែមីនា ឆ្នាំ២០១៥។ សារព័ត៌មាន The Guardian បានឲ្យដឹងទៀតថា   លោក ហ្វ្រស៊ឺ បានទទួល មរណ ភាព  ទៅ ដោយគ្មាន ការឈឺចាប់អ្វីទាំងអស់កាលពីព្រឹកព្រលឹមថ្ងៃសុក្រ   ដោយប្រជាជនអូស្ត្រាលី និង ទូទាំងពិភព លោក ទាំងអស់ ដែលបានស្គាល់រូបលោក ពិត  ជា មានភាពតក់ស្លុត និង សោក ស្តាយណាស់ចំពោះ ការ បាត់ បង់ អតីតមេដឹកនាំរូបនេះ ប៉ុន្តែយើងត្រូវទទួលស្គាល់ការពិតថា លោក ពិតជាបានលាចាក លោកទៅ ប្រកប ដោយសន្តិភាពមែន    ។  គួរបញ្ជាក់ថា លោក ហ្វ្រេស៊ឺ បានកាន់តំណែងជានាយករដ្ឋមន្ត្រីអូស្ត្រាលី ចាប់ពីថ្ងៃទី១១ ខែវិច្ឆិកា ឆ្នាំ ១៩៧៥ ដល់ថ្ងៃទី ១១ ខែមីនា ឆ្នាំ ១៩៨៣។ ដោយឡែកលោក នាយករដ្ឋមន្ត្រី បច្ចុប្បន្ន តូនី អាប់បុតត៍ ក៏បានសរសេរជាសារសម្តែងមរណទុក្ខ តាម  បណ្តាញសង្គមរបស់ លោកផងដែរ នៅថ្ងៃសុក្រនេះ ដោយរំឮកពីស្នាដៃជាច្រើន ដែលលោ កធ្លាប់បានសុំការជួយពី លោក ហ្វ្រេស៊ឺ ដើម្បីរួបរួម អ្នក នយោបាយ អូស្ត្រាលីឡើងវិញ ៕

ប្រភព ៖ ប៊ីប៊ីស៊ី និង ដើមអម្ពិល