ទំនោរថ្មីយុវតីខ្មែរខ្លះថត selfie ក្នុងបន្ទប់បញ្ចេញសាច់សខ្ចីញ៉េញបង្ហោះក្នុងហ្វេសប៊ុកដូរយក Like
ហេតុអ្វី បានជាយុវតីខ្មែរឥលូវចូលចិត្តថតរូបស៊ិចស៊ីក្នុងបន្ទប់គេងខ្លួនឯង បង្ហោះតាមហ្វេសប៊ុកជាសាធារណៈដូច្នេះ? កន្លងមក អ្នកនិយមប្រើប្រាស់ហ្វេសប៊ុកមួយចំនួន ប្រាកដជាធ្លាប់បានឃើញយុវតីមួយចំនួន បង្ហោះរូបភាពខ្លួនឯងនៅក្នុងបន្ទប់គេង ខ្លះដេកលើពូក ស្លៀកពាក់ស៊ិចស៊ី បញ្ចេញសាច់សខ្ចីញ៉េញ យ៉ាងគឃ្លើន ព្រោងព្រាតបង្ហាញដល់មិត្តភ័ក្ដិនៅក្នុងហ្វេសប៊ុក ធ្វើព្រងើយ ហាក់មិនបានខ្វល់ខ្វាយ គិតគូរដល់ផលប៉ះពាល់អ្វីបន្តិចសោះឡើយ។
តើទង្វើបែបនេះ យុវជនខ្មែរទាំងនោះមានធ្លាប់គិតពីបញ្ហាប្រឈមដែរ ឬទេ? ចុះមិត្តយុវវ័យ អ្នកប្រើប្រាស់ហ្វេសប៊ុកដូចគ្នា មានទស្សនៈយ៉ាងណាដែរ ជុំវិញបញ្ហានេះ?
រូបតំណាង
ជាអ្នកប្រើប្រាស់ហ្វេសប៊ុកមួយរូបដែរ យុវតី រចនា អាយុ ២៣ ឆ្នាំ បានលើកឡើងទាំងងឿងឆ្ងល់ថា សព្វថ្ងៃនេះ ក្នុងបណ្ដាញសង្គមយក្ស ដ៏ពេញនិយមមួយនេះ កញ្ញា ឃើញយុវតីខ្មែរ ចូលចិត្តថតរូបក្នុងបន្ទប់គេងខ្លួនឯង ហើយបង្ហោះជាសាធារណៈច្រើនណាស់ មិនដឹងថាពួកគាត់យល់យ៉ាងម៉េចទេ។
រចនា សង្កត់ធ្ងន់ទៀតថា៖ “បន្ទប់គេងរបស់មនុស្សស្រី គួរតែជាកន្លែងអាថ៌កំបាំង ដែលមិនគួរបង្ហាញឲ្យអ្នកផ្សេងឃើញ ក្រៅពីគ្រួសារខ្លួនទេ តែយុវតីសម័យហ្វេសប៊ុកឥលូវ បែរជាថតបង្ហោះធ្វើព្រងើយ ខ្ញុំមិនយល់ដែររឿងហ្នឹង”។
ស្រដៀងគ្នានេះដែរ យុវជន ឡុក វិសាល អាយុ ២៥ ឆ្នាំ អតីតនិស្សិត ជំនាញសង្គមវិទ្យា នៃសាកលវិទ្យាល័យភូមិន្ទភ្នំពេញ ថ្លែងចំៗថា៖ “ខ្ញុំដូចជាគិតមិនឃើញថា តើហេតុអី យុវតីខ្លះ បែកគំនិតបង្ហោះរូប ក្នុងបន្ទប់គេងខ្លួនឯង ឲ្យគេឃើញទេ”។
“ថតជាប់បន្ទប់គេងខ្លួនឯងល្មមទេ តែរូបភាពខ្លះ ខ្ញុំឃើញលើហ្វេសប៊ុក មានទាំងថតស៊ិចស៊ីលេចលើ លេចក្រោម ហើយដេកនៅលើពូក បង្ហោះធ្វើមិនដឹង”។ វិសាល បន្ថែមដូចនេះ។
ស្រដៀងគ្នានេះដែរ យុវតី សុជាតា អាយុ ២៤ ឆ្នាំ និស្សិតឆ្នាំទី ៤ សាកលវិទ្យាល័យបញ្ញាសាស្ត្រកម្ពុជា មានទស្សនៈរិះគន់ទៅលើទង្វើខាងលើនេះដែរថា ការដែលយុវតីមួយចំនួន បង្ហោះរូបសិចស៊ីរបស់ខ្លួននៅក្នុង ហ្វេសប៊ុក ជាសេរីភាពផ្ទាល់ខ្លួនក៏ពិតមែន តែក៏គួរគិតដល់ផលប៉ះពាល់ជារួម ក្នុងនាមយើងជាស្រីដូចគ្នាដែរ។
ស្រដៀងគ្នានេះដែរ យុវតី សុជាតា អាយុ ២៤ ឆ្នាំ និស្សិតឆ្នាំទី ៤ សាកលវិទ្យាល័យបញ្ញាសាស្ត្រកម្ពុជា មានទស្សនៈរិះគន់ទៅលើទង្វើខាងលើនេះដែរថា ការដែលយុវតីមួយចំនួន បង្ហោះរូបសិចស៊ីរបស់ខ្លួននៅក្នុង ហ្វេសប៊ុក ជាសេរីភាពផ្ទាល់ខ្លួនក៏ពិតមែន តែក៏គួរគិតដល់ផលប៉ះពាល់ជារួម ក្នុងនាមយើងជាស្រីដូចគ្នាដែរ។
យុវតី ដដែលរូបនេះ បន្តថា៖ “មានអ្នកខ្លះប្រឹងថតស៊ិចស៊ី ដេកលើពូក ឡើងចង់អស់ខ្ទេចគ្មានសល់ ដើម្បីគ្រាន់តែដូរយក Like ឲ្យបានច្រើនពីមិត្តភ័ក្ដិ នៅក្នុងហ្វេសប៊ុកតែប៉ុណ្ណោះ។ ក្នុងនាមខ្ញុំជានារីដូចគ្នា សូមមេត្តាឲ្យពួកគាត់ គិតគូរឡើងវិញផង មិនគួរយកកេរ្តិ៍មកបង្ហោះ បង្ហាញជាសាធារណៈបែបនេះទេ”៕
ទោះជាយ៉ាងណា ទស្សនៈខាងលើនេះគ្រាន់តែ ជាការលើកឡើងរបស់យុវជនខ្មែរ ដែលនិយមប្រើប្រាស់បណ្ដាញសង្គម ហ្វេសប៊ុកមួយចំនួនប៉ុណ្ណោះ។ ចុះប្រិយមិត្តវិញ យល់យ៉ាងណាដែរចំពោះការលើកឡើងនេះ?
អត្ថបទ៖ យិន សំបូរ
រូបភាព៖ បរទេសv