អ្វីដែលលោកអ្នកមិនបានដឹងពីកំពង់ផែសៀងហៃ ធំជាងគេបំផុតលើពិភពលោក
១) បើកឲ្យដំណើរការជាលើកដំបូងនៅក្នុងឆ្នាំ ១៨៤២ សៀងហៃបានជាប់ឈ្មោះជាកំពង់ផែដ៏មមាញឹក និង ធំជាងគេបំផុតនៅលើពិភពលោកនាពេលបច្ចុប្បន្ននេះ។ នេះបើយោងតាមរបាយការណ៍ធ្វើឡើងដោយទស្សនាវដី្ត Forbes។
២) គិតជាមធ្យមកំពង់ផែនេះអាចលើកដាក់ទំនិញបាន ៣២ លានកុងតឺន័រកាលពីឆ្នាំ ២០១២ ឬ មានទម្ងន់ស្មើនឹង ៧៣៦ លានតោន។
២) ការធ្វើពាណិជ្ជកម្មនាំចេញនាំចូលទំនិញឆ្លងកាត់កំពង់ផែនេះមានតម្លៃ ៣,៨៧ ពាន់ពាន់លានដុល្លារកាលពីឆ្នាំ ២០១២។
៣) អាមេរិកជាដៃគូពាណិជ្ជកម្មធំជាងគេរបស់ចិន ហើយក្នុងចំណោមទំហំពាណិជ្ជកម្មនាំចេញនាំចូលទំនិញ ៣,៨៧ ពាន់ពាន់លានដុល្លារខាងលើ ទំហំពាណិជ្ជកម្ម ៣,៨២ ពាន់ពាន់លានដុល្លារត្រូវបានចុះឈ្មោះដោយក្រុមហ៊ុនអាមេរិក។
៤) កំពង់ផែនេះ មានទំហំ ៣,៩៤ គីឡូម៉ែត្រ ពោលគឺមានទំហំស្មើនឹងទីលានបាល់ទាត់ ៤៧០ ដង។
៥) ដោយមានទីតាំងស្ថិតនៅមាត់ទន្លេ Yangtze វាជាតំបន់ច្រកចេញចូលពាណិជ្ជកម្មផ្លូវទឹកដ៏សំខាន់សម្រាប់ការអភិវឌ្ឍសេដ្ឋកិច្ចចិនទាំងមូលដែលវាធ្លាប់ត្រូវបានប្រើប្រាស់នៅសម័យកាលរាជវង្ស Qing ពីឆ្នាំ ១៦៤៤ ដល់ ឆ្នាំ ១៩១២។
៦) ក្រោយបានបើកដំណើរការធ្វើពាណិជ្ជកម្មអន្តរជាតិជាលើកដំបូងនៅក្នុងឆ្នាំ ១៨៤២ វាបានក្លាយជាកំពង់ផែធំជាងគេបំផុតនៅអាស៊ីបូព៌ានៅដើមសតវត្សទី២០។
៧) នៅក្រោយសង្គ្រាមលោកលើកទី២ ពោលគឺនៅឆ្នាំ ១៩៤៩ កំពង់ផែនេះបានបើកដំណើរការជាធម្មតា ប៉ុន្តែគោលនយោបាយសេដ្ឋកិច្ចរបស់រដ្ឋាភិបាលសាធារណរដ្ឋប្រជាមានិតចិនបានដាក់កំហិតលើការអភិវឌ្ឍកំពង់ផែនេះ។
៨) យ៉ាងណាមិញ បន្ទាប់ពីមានកំណែទម្រង់សេដ្ឋកិច្ចនៅក្នុងឆ្នាំ ១៩៩១ កំពង់ផែសៀងហៃត្រូវបានពង្រីក និង អភិវឌ្ឍបន្ថែមដើម្បីឆ្លើយតបទៅនៅតម្រូវការពាណិជ្ជកម្មពិភពលោក។
៩) នៅក្នុងឆ្នាំ ២០១០ កំពង់ផែសៀងហៃបានវ៉ាដាច់កំពង់ផែសាំងហ្គាពួររបស់សិង្ហបុរី ជាប់ឈ្មោះជាកំពង់ផែមមាញឹកជាងគេបំផុតនៅលើពិភពលោក៕
ប្រែសម្រួល៖ ខេវិន
ប្រភព៖ Dailymail