កុំព្យូទ័របន្ទះស្ដើងថ្មី Cube U30GT Mini2 ត្រូវបានប្រកាសចេញជាផ្លូវការ
កាលពីពាក់កណ្ដាលខែមុនក្រុមហ៊ុន Cube ទើបបានធ្វើការបញ្ចេញនូវកុំព្យូទ័របន្ទះស្ដើងថ្មី Cube U30GT2 មានអេក្រង់ 10.1-inch Retina 1080p IPS display កម្រិតភាពច្បាស់ 1,920 x 1,200 ( Full HD) និងតម្លៃ $250 ។ ដោយឡែកពេលនេះ Cube U30GT Mini2 គឺជាកុំព្យូទ័របន្ទះស្ដើងមួយម៉ូដែលថ្មីផ្សេងទៀតដែលត្រូវ បានក្រុមហ៊ុន Cube ប្រកាសចេញជាផ្លូវការ ។ជាមួយនឹងអេក្រង់ 7.9-inch IPS display និងមានកម្រិតភាពច្បាស់ 1024 x 768 pixels កុំព្យូទ័របន្ទះស្ដើង Cube U30GT Mini2 ត្រូវបានបំពាក់ដោយ CPU Rockchip RK3188 quad-core processor, RAM 2GB និងមានកាមេរ៉ាទំហំ 5 MP ។ យ៉ាងណាមិញបើគ្រាន់តែក្រឡេកមើលតែបន្តិចគេឃើញថា កុំព្យូទ័របន្ទះស្ដើងថ្មីដែលដំណើរការដោយប្រព័ន្ធប្រតិបត្តិការ Android នេះគឺមានរូបរាងស្ទើរតែដូចគ្នាទាំងស្រុងទៅនឹង iPad Mini របស់ក្រុមហ៊ុន Apple ។
លក្ខណសម្បត្តិបែបបច្ចេកទេសរបស់ Cube U30GT Mini2 ៖
- អេក្រង់ 7.9-inch IPS display
- កម្រិតភាពច្បាស់ 1024 x 768 pixels (HD)
- កាមេរ៉ាក្រោយ 5MP និងមុខ 2MP
- CPU Rockchip RK3188 quad-core processor
- GPU ARM Mali 400
- RAM 2GB
- អង្គផ្ទុកទិន្នន័យជាប់ម៉ាស៊ីនទំហំ 16GB
- មានរន្ធ mini HDMI
- ថាមពលថ្ម 4,000Ah
- ដំណើរការដោយ Android 4.1 Jelly Bean
សូមបញ្ជាក់ថា ជាមួយនឹងរូបរាងដ៏ស្រស់ស្អាតនៃកុំព្យូទ័រ Cube U30GT Mini2 ដែលមានរូបរាងស្ទើរតែដូច iPad Mini កុំព្យូទ័របន្ទះស្ដើងថ្មីនេះនឹងត្រូវក្រុមហ៊ុនចេញលក់ជាផ្លូវ ការនាចុងខែមេសា នេះ ក្នុងតម្លៃត្រឹមតែ $190 ប៉ុណ្ណោះ ៕