ស្ត្រីម្នាក់វាយ កំទេចឡានខ្លួនឯង ដោយសារខឹងក្រុមហ៊ុន ជួសជុលយឺតពេល
ម៉ាឡេស៊ី៖ កាលពីពេលថ្មីៗនេះ អ្នកស្រី Kang Lee Chuin អាយុ៥២ឆ្នាំ
រស់នៅក្នុងទីក្រុង Bukit Mertajam រដ្ឋ Penang ប្រទេសម៉ាឡេស៊ី
បានខឹងសម្បាយ៉ាងខ្លាំងចំពោះសេវាកម្មរបស់ក្រុមហ៊ុន Mercedes-Benz
ហើយគាត់បានវាយកំទេចរថយន្តរបស់គាត់នៅមុខក្រុមហ៊ុនតែម្តង។ អ្នកស្រី Kang
បានយករថយន្តម៉ាក Mercedes-Benz S300 របស់គាត់តំលៃជាង១០ម៉ឺនដុល្លារអាមេរិក
ដែលមានបញ្ហាអាគុយ
ទៅអោយក្រុមហ៊ុនត្រួតពិនិត្យមើលតាំងពីពាក់កណ្តាលខែមិថុនា។
លុះដល់ពេលគាត់ទៅយករថយន្ត ជាងជួសជុលនៅក្រុមហ៊ុននោះថា
អាគុយរបស់គាត់មិនទាន់ជួសជុលរួចនៅឡើយ
ដោយខឹងសម្បានឹងការយឺតយ៉ាវក្នុងការជួសជុល
គួបផ្សំនឹងរថយន្តនោះចេះតែឧស្សាហ៍ខូចផងនោះ ធ្វើអោយអ្នកស្រី Kang
បានយកញញួរទៅវាយកញ្ចក់មុខរថយន្តខ្ទាចនៅមុខក្រុមហ៊ុនតែម្តង។