លោក អ៊ី ឈាន ត្រូវបានផ្លាស់ប្ដូរមុខតំណែង
ប៉ៃលិន៖ លោក អ៊ី ឈាន អតីតប្រធានក្រុមប្រឹក្សាខេត្តប៉ៃលិន ត្រូវបានផ្លាស់ប្ដូរមកកាន់តំណែងជានាយករងខុទ្ធកាល័យលោកនាយករដ្ឋមន្រ្តី ហ៊ុន សែន។លោក ឡី ចាន់ឆាយ អតីតសមាជិកក្រុមប្រឹក្សាខេត្តប៉ៃលិន ត្រូវបានរាជរដ្ឋាភិបាល ប្រកាសឱ្យឡើងកាន់តំណែងជា ប្រធានក្រុមប្រឹក្សាខេត្តប៉ៃលិនជំនួសវិញ។
ពីធីប្រកាសផ្លាស់ប្តូមុចតំណែងនេះ បានធ្វើឡើងនៅសាលាខេត្តប៉ៃលិន កាលពីរសៀលថ្ងៃទី០៣ ខែវិច្ឆិកា ឆ្នាំ២០១៤ ក្រោមអធិបតីភាព ឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ និងមន្ត្រីរាជការមក ពីមន្ទីរជុំវិញខេត្ត សរុបជាង ២០០នាក់។
លោក អង មង្គល អគ្គនាយករងនៃអគ្គនាយកដ្ឋានរដ្ឋបាល និងជាប្រធាននាយកដ្ឋានបុគ្គលិកក្រសួងមហាផ្ទៃ បានអានស្តីពីការផ្លាស់ប្តូរ និងទទូលស្គាល់ប្រធានក្រុមប្រឹក្សារខេត្ត ដោយក្នុងនោះលោក ឡី ចាន់ឆាយ ជាអតីតសមាជិកក្រុមប្រឹក្សាខេត្ត ត្រូវបានក្រសួងមហាផ្ទៃតែងតាំងជាប្រធានក្រុមប្រឹក្សាខេត្តវិញ ចំណែកលោក អ៊ី ឈាន ជាអតីតប្រធានក្រុមប្រឹក្សាខេត្ត ត្រូវបានក្រសួងតែងតាំងជាអនុប្រធានខុទ្ទកាល័យលោក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានតំណែងស្មើនិងទេសរដ្ឋមន្ត្រី។
សូមបញ្ជាក់ថា កន្លងមកធ្លាប់មានព័ត៌មានធ្លាយថា ប្រជាពលរដ្ឋខេត្តប៉ៃលិន មិនចង់ឱ្យលោក អ៊ី ឈាន ផ្លាស់ចេញពីប្រធានក្រុមប្រឹក្សាខេត្តនោះទេ ដោយហេតុថាលោកគឺជាអតីតខ្មែរក្រហម ដែលពួកគេមិនចង់ឲ្យចាកចេញ៕
ប្រភពពី Free Press Magazine
