ឆ្នាំ ២០១៤ កម្ពុជាចាយអស់ប្រហែល ១៦៥ លានដុល្លារលើវិស័យបច្ចេកវិទ្យា
យោងតាមរបាយការណ៍របស់ Black Book IT Spending របស់ IDC ដែលបង្ហាញនៅក្នុងពិព័រណ៍បច្ចេកវិទ្យានិងទូរគមនាគមន៍បានឲ្យដឹងថា ឆ្នាំ ២០១៤ ប្រទេសកម្ពុជាអាចចំណាយអស់ប្រហែ១៦៥ លានដុល្លារលើវិស័យបច្ចេកវិទ្យា។
របាយការណ៍បានប៉ាន់ប្រមាណទៀតថា កំណើនការចំណាយនឹងមានការកើនឡើងក្នុងរង្វង់ ១៤ ភាគរយពីមួយឆ្នាំទៅមួយឆ្នាំ។
វិស័យបច្ចេកវិទ្យាទូរគមនាគមន៍ព័ត៌មានវិទ្យា (ICT) របស់កម្ពុជា ត្រូវគេរំពឹងទុកថានឹងមានការរីកចម្រើនយ៉ាងលឿន នៅអំឡុងពេលពីរទៅបីឆ្នាំខាងមុខនេះ។ ប៉ុន្តែក៏ត្រូវប្រជួបការប្រឈមមួយចំនួនដែលត្រូវដោះស្រាយ មុនវិស័យនេះអាចឈានដល់ចំណុចកំពូលនៃសក្តានុពលរបស់ខ្លួន។
