កាត់ទោស ប្រហារជីវិត បុរស ៧ នាក់ ក្រោយចាប់រំលោភបូក ធ្វើអោយមានការខឹងសម្បារ ផ្អើលទូទាំងប្រទេស

ព័ត៌មានអន្តរជាតិ ៖ បុរស ៧ នាក់ ជាជនជាតិ អាហ្វហ្គានីស្ថាន បើតាមការអោយដឹងពីគេហទំព័រសារ ព័ត៌មានប៊ីប៊ីស៊ីអោយដឹងថា ពួកគេប្រឈមមុខនឹងកាត់ទោស ប្រហារជីវិត ក្រោយ  ពីមានករណីចាប់ រំលោភបូក ដែលបានធ្វើអោយមានការខឹងសម្បារ ទូទាំងប្រទេស ។ 
ជនជាប់ចោទ ជាក្រុមបុរសទាំងនេះ ត្រូវបានបញ្ជាក់អោយដឹងថា បានធ្វើ ការវាយប្រហារ ដោយចាប់ រំលោភបូក ស្រ្តី ៤ នាក់ ខណៈពេលដែលពួកគេ កំពុងតែវិលត្រលប់ មកទីក្រុង  កាប៊ុល វិញ បន្ទាប់ពី បានចូលរួមកម្មវិធីមង្គលការ កាលពីពេលកន្លងទៅ អំឡុងខែ សីហា ។   សេច ក្តីរាយការណ៍ បញ្ជាក់ អោយដឹងថា Hamid Karzai បេក្ខភាព ប្រធានាធិតបី ប្រទេស អាហ្វាហ្គានីស្ថានបានចេញបញ្ជាអោយ មានការកាត់ទោស ប្រហារជីវិត ខណៈ បុរស ៥ នាក់ ជាអ្នករំលោភផ្ទាល់ និងពីរនាក់ទៀតជាអ្នកចូល ដៃទាំងអស់គ្នា ប្រឈមនឹងការប្រហារជីវិត ។

ក្រុមសកម្មជន បញ្ជាក់អោយដឹងថា ជាទូទៅ មានករណីប្រើអំពើហឹង្សា រំលោភបំពានទៅលើស្រ្តីភេទ នៅក្នុងប្រទេសមួយនេះ តែកម្រឃើញមាន ការទាក់ទាញចំណាប់អារម្មណ៍ខឹង សម្បារ ដូចលើកនេះ សោះ ។ របាយការណ៍ បញ្ជាក់អោយដឹងថា ករណីរំលោ ភ បូក  ពី សំណាក់   ក្រុមបុរសទាំងនេះ​បាន កើតឡើង កាលពីអំឡុង ថ្ងៃទី ២៣ សីហា កន្លងទៅ  ស្រប ពេលដែល  ពួកគេបានតាំងខ្លួនធ្វើជាមន្រ្តី ប៉ូលីស ពោល ស្ថិតនៅក្នុងឈុតសម្លៀកបំពាក់   ជា មន្រ្តីប៉ូលីស  ពួកគេ បានហៅ ក្បួររថយន្ត ជនរង គ្រោះអោយឈប់ រួចធ្វើការវាយប្រហារ ដោយចាប់ស្រ្តី ៤ នាក់  រំលោភ  បន្ទាប់ពី បំបែកពួកគេចេញពី ស្វាមីរបស់ពួកគេ ខណៈមានការវាយដំ ច្រំធាក់ ស្វាមី ពួកគេ​ដូចគ្នា ។



ប្រភពបញ្ជាក់ថា ជនរងគ្រោះម្នាក់ បានទទួលរងរបួសធ្ងន់រហូតដល់ថ្នាក់គេងសម្រាកនៅឯមន្ទីរពេទ្យ ខណៈម្នាក់ទៀត បានមានគភ៌បាត់ទៅហើយ ។ ជនជាប់ចោទ ៧ នាក់   ក្នុង ចំណោម ១០  នាក់ ត្រូវ បានអាជ្ញាធរ មានសមត្ថកិច្ច ធ្វើការចាប់ឃាត់ខ្លួន បាន កាលពី   ថ្ងៃពុធ  សប្តាហ៍កន្លងទៅនេះ ខណៈ ជនសង្ស័យ ៣ នាក់ បានរួចគេចខ្លួន ។ ជនសង្ស័យ ៧ នាក់ ម្នាក់មានវ័យ ៣៥ ឆ្នាំ​ ខណៈជនសង្ស័យ ដទៃៗទៀត មានវ័យចន្លោះពី ១៩ ទៅ ២៧ ឆ្នាំ ៕

ប្រែសម្រួល ៖ កុសល
ប្រភព ៖ ប៊ីប៊ីស៊ី