គណបក្សប្រជាជនកម្ពុជា រៀបចំរួចជាស្រេចនូវ សមាសភាពប្រធាន គណៈកម្មការជំនាញ ទាំង៥ និងអនុប្រធានទី២រដ្ឋសភា
រាជធានីភ្នំពេញ៖ មន្ត្រីជាន់ខ្ពស់
គណបក្សប្រជាជនកម្ពុជា និងជាសមាជិកគណៈកម្មា
ធិការអចិន្ត្រៃយ៍នៃរដ្ឋសភាលោក ជាម
យៀប បានប្រាប់អ្នកកាសែតកាលពីរសៀលថ្ងៃទី២៨ខែកក្កដាឲ្យដឹងថា
គណបក្សប្រជាជនកម្ពុជា
បានរៀបចំរួចជាស្រេចហើយនូវសមាសភាពប្រធានគណៈកម្មការជំនាញទាំង៥
នៃរដ្ឋសភា និងអនុទី២រដ្ឋសភា
ប៉ុន្តែសមាសភាពមកពីខាងគណបក្សសង្គ្រោះជាតិនៅមិនទាន់បានបង្ហាញជា
ផ្លូវការនៅឡើយទេ។
លោកជាម យៀប បានមានប្រសសន៍ថា ចំពោះសម្តេច
ហេង សំរិន គឺជាប្រធានរដ្ឋសភាដដែលខណៈដែលលោកងួន ញិល
អនុប្រធានទី១នៃរដ្ឋសភាត្រូវសម្រួលភារកិច្ចទៅជាអនុប្រធានទី២
វិញ។
លោកបន្តថា
ចំណែកប្រធានគណៈកម្មការជំនាញទាំង៥ នៃរដ្ឋសភា
ខាងគណបក្សប្រជាជនកម្ពុជា មានដូចជាៈ គណៈកម្មការទី២
“គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម”
រូបលោកជាប្រធាន (លោកជាម យៀប)។ គណៈកម្មការទី៤
“គណៈកម្មការមហាផ្ទៃការពារជាតិ អង្កេត បោសសំអាត និងមុខងារសាធារណៈ”
លោកហ៊ុន ណេង ជាប្រធាន។គណៈកម្មការទី៥“គណៈកម្មការកិច្ចការបរទេស
សហប្រតិបត្តិការអន្តរជាតិឃោសនាការនិងព័ត៌មាន”លោកឈាងវុនជាប្រធាន។
គណៈកម្មការទី៦គណៈកម្មការនីតិកម្មនិងយុត្តិធម៌ លោកប៉ែនបញ្ញា
ជាប្រធាន និងគណៈកម្មការទី៩ “គណៈកម្មការ សាធារណការ ដឹកជញ្ជូន
ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី
នគរូបនីយកម្ម និងសំណង់” លោកជំទាវ និន សាផុន ជាប្រធាន។
លោកបានបន្តថា
នៅថ្ងៃទី៣០ខែកក្កដារដ្ឋសភានឹងបន្តប្រជុំពេញវិសាមញ្ញ
ដើម្បីពិភាក្សានិងអនុម័តនូវវិសោធនកម្មនៃបទបញ្ជាផ្ទៃក្នុងប្រការ៦
ថ្មី ដែលត្រូវបង្កើតគណៈកម្មការទី១០ គឺគណៈកម្មការអង្កេត បោសសំអាត
ប្រឆាំងអំពើពុករលួយហើយបើខាងគណបក្សសង្គ្រោះជាតិ
ដាក់សមាសភាពរបស់ខ្លួនមករដ្ឋសភាទាន់នៅថ្ងៃទី៣០ ខែកក្កដា
គឺសភានឹងបន្តប្រកាសសមាសភាពប្រធានគណៈកម្មការជំនាញទាំង៥
ខាងគណបក្សសង្គ្រោះជាតិ។
លោកជាម យៀប បានបញ្ជាក់ថា
ប្រធានគណៈកម្មការទាំង៥ នៅក្នុងរដ្ឋសភា ដែលគណបក្សសង្គ្រោះ
ទទួលបានរួមមានៈ គណៈកម្មការទី១
(គណៈកម្មការសិទ្ធិមនុស្សទទួលពាក្យបណ្តឹង អង្កេត និងទំនាក់ទំនងរដ្ឋសភា
ព្រឹទ្ធសភា), គណៈកម្មការទី៣ (គណៈកម្មការផែនការ វិនិយោគ កសិកម្ម
អភិវឌ្ឍន៍ជនបទ បរិសា្ថន និងធនធានទឹក).
គណៈកម្មការទី៧(គណៈកម្មការអប់រំ យុវជន កីឡា ធម្មការ និងសាសនា វប្បធម៌
និងទេសចរណ៍. គណៈកម្មការទី៨ (គណៈកម្មការ សុខាភិបាល សង្គមកិច្ច
អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ
និងកិច្ចការនារី និងគណៈកម្មការទី១០ (គណៈកម្មការអង្កេត បោសសំអាត
ប្រឆាំងអំពើពុករលួយ)៕
ប្រភពពី Free Press Magazine
