ជិះម៉ូតូបុកកុងតឺន័រ ខ្ទាតចូលក្រោមកង់កិនស្លាប់ ២នាក់យ៉ាងវេទនា ម្នាក់ទៀតរងរបួសធ្ងន់
រាជធានីភ្នំពេញ ៖ យុវជន ២នាក់ បានស្លាប់បាត់បង់ជីវិត
យ៉ាងអាណោចអាធ័ម នៅនឹងកន្លែងកើតហេតុ នឹងយុវជនម្នាក់ទៀត
ត្រូវរងរបួសធ្ងន់ធ្ងរ ដោយសារពួកគេជិះម៉ូតូ
មួយគ្រឿងឌុបគ្នាក្នុងល្បឿន ជ្រុលទៅបុករថយន្តកុងតឺន័រ
ហើយត្រូវរថយន្តបើកកិនស្លាប់
កាលពីវេលាម៉ោង ២២និង៣០ នាទីយប់ថ្ងៃទី០៧ ខែមីនា ឆ្នាំ២០១៤
ស្ថិតនៅតាមបណ្តោយផ្លូវ សហព័ន្ធរុស្ស៊ី កែងផ្លូវណតប្រ៊ិត
សង្កាត់ទឹកថ្លា ខណ្ឌសែនសុខ ។
សាក្សីបានឲ្យដឹងថា មុនពេលកើតហេតុ មានរថយន្តកុងតឺន័រ មួយគ្រឿងបើកបរតាមបណ្តោយផ្លូវ ណតប្រ៊ិត ពីត្បូងទៅជើងក្នុងល្បឿនលឿន លុះដល់ចំណុចកែង ផ្លូវសហព័ន្ធរុស្ស៊ី មិនបានបន្ថយល្បឿន ក៏ត្រូវយុវជន ៣នាក់ កំពុងជិះម៉ូតូគុបជ្រុងមួយគ្រឿង ក្នុងល្បឿន លឿនតាមផ្លូវសហព័ន្ធរុស្ស៊ី ពីកើតទៅលិចយកហ្វ្រាំងមិនទាន់ ក៏ជ្រុលបុកចំពាក់កណ្តាលខ្លួនរថយន្តតែម្តង បណ្តាលឲ្យយុវជន ២នាក់ ត្រូវខ្ទាតចូលក្រោយរថយន្ត កិនស្លាប់យ៉ាងអាណោចអាធ័ម នៅនឹងកន្លែងកើតហេតុ ចំណែកយុវជនម្នាក់ទៀត បានរងរបួសធ្ងន់ធ្ងរ។
ក្រោយពេលកើតហេតុ ជនរងគ្រោះដែលរងរបួស ត្រូវរថយន្តសាមុយ ដឹកយកទៅសង្គ្រោះទាន់ពេលវេលា ហើយម៉ូតូខូចខាតខ្ទេចទាំងស្រុងតែម្តង ហើយរថយន្តបង្កបានព្យាយាម បើករត់គេចបានចម្ងាយ ៥០០ម៉ែត្រ ក៏ត្រូវសមត្ថកិច្ច ដេញឃាត់បានភ្លាមៗ។ យុវជនរងគ្រោះទាំង ៣នាក់ ខាងលើនេះ សមត្ថកិច្ចនៅមិនទាន់អាចបញ្ជាក់ ពីអត្តសញ្ញាណនៅឡើយទេ ហើយសពជនរងគ្រោះ ត្រូវបានទំនាក់ទំនង ទៅក្រុមគ្រួសារឲ្យមកទទួលយក ទៅធ្វើបុណ្យតាមប្រពៃណី៕
ប្រភពពី វត្តភ្នំ
សាក្សីបានឲ្យដឹងថា មុនពេលកើតហេតុ មានរថយន្តកុងតឺន័រ មួយគ្រឿងបើកបរតាមបណ្តោយផ្លូវ ណតប្រ៊ិត ពីត្បូងទៅជើងក្នុងល្បឿនលឿន លុះដល់ចំណុចកែង ផ្លូវសហព័ន្ធរុស្ស៊ី មិនបានបន្ថយល្បឿន ក៏ត្រូវយុវជន ៣នាក់ កំពុងជិះម៉ូតូគុបជ្រុងមួយគ្រឿង ក្នុងល្បឿន លឿនតាមផ្លូវសហព័ន្ធរុស្ស៊ី ពីកើតទៅលិចយកហ្វ្រាំងមិនទាន់ ក៏ជ្រុលបុកចំពាក់កណ្តាលខ្លួនរថយន្តតែម្តង បណ្តាលឲ្យយុវជន ២នាក់ ត្រូវខ្ទាតចូលក្រោយរថយន្ត កិនស្លាប់យ៉ាងអាណោចអាធ័ម នៅនឹងកន្លែងកើតហេតុ ចំណែកយុវជនម្នាក់ទៀត បានរងរបួសធ្ងន់ធ្ងរ។
ក្រោយពេលកើតហេតុ ជនរងគ្រោះដែលរងរបួស ត្រូវរថយន្តសាមុយ ដឹកយកទៅសង្គ្រោះទាន់ពេលវេលា ហើយម៉ូតូខូចខាតខ្ទេចទាំងស្រុងតែម្តង ហើយរថយន្តបង្កបានព្យាយាម បើករត់គេចបានចម្ងាយ ៥០០ម៉ែត្រ ក៏ត្រូវសមត្ថកិច្ច ដេញឃាត់បានភ្លាមៗ។ យុវជនរងគ្រោះទាំង ៣នាក់ ខាងលើនេះ សមត្ថកិច្ចនៅមិនទាន់អាចបញ្ជាក់ ពីអត្តសញ្ញាណនៅឡើយទេ ហើយសពជនរងគ្រោះ ត្រូវបានទំនាក់ទំនង ទៅក្រុមគ្រួសារឲ្យមកទទួលយក ទៅធ្វើបុណ្យតាមប្រពៃណី៕
ប្រភពពី វត្តភ្នំ
