ចេញពីក្លិបត្រូវក្មេងស្ទាវ៣នាក់វាយ ឲ្យសន្លប់រំលោភក្បែរវត្តរួចគេចខ្លួនបាត់
ភ្នំពេញ ៖ នារីម្នាក់ត្រូវបានក្មេងស្ទាវ៣នាក់វាយឲ្យសន្លប់រួចចាប់រំលោភនៅក្បែរវត្តវង្គដ្ឋបុរី ខណៈដែលនាងស្រវឹងស្រាដើរចេញពីក្លិបកម្សាន្តអេឡិចត្រូតាមបណ្តោយផ្លូវសហព័ន្ធរុស្ស៊ីក៏បានជួបក្មេងស្ទាវ៣នាក់ជិះម៉ូតូម៉ាកវីវ៉ាមួយគ្រឿងក៏បបួលទៅដេកផ្ទះសំណាក់ ក្នុងតម្លៃ១០ដុល្លារ ដោយនាងដាច់យ៉ៃក៏ព្រមទៅ ប៉ុន្តែជិះទៅដល់ជិតវត្តវង្គដ្ឋបុរីត្រូវក្មេងស្ទាវវាយឲ្យសន្លប់ រួចរំលោភតែម្តង ។
ករណីរំលោភខាងលើនេះកើតឡើងកាលពីវេលម៉ោង២និង១៥នាទីរំលងអធ្រាត្រឈានចូលថ្ងៃទី២២ ខែតុលា ឆ្នាំ២០១៣ នៅចំណុចក្នុងទីធ្លាវត្តវង្គដ្ឋបុរី តាមបណ្តោយផ្លូវសហព័ន្ធរុស្ស៊ី ក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
នារីដែលក្រុមស្ទាវរំលោភបានសម្រេចនោះមានឈ្មោះ ហ.វ.ល អាយុ២៦ឆ្នាំ មុខរបរមិនពិតប្រាកដ រស់នៅម្តុំផ្សារដីហុយ សង្កាត់ភ្នំពេញថ្មី ខណ្ឌសែនសុខ ចំណែកក្រុមស្ទាវដែលចាប់រំលោភនាងនោះមានគ្នា៣នាក់ជិះម៉ូតូវីវ៉ាមិនចាំស្លាក់លេខ ក្រោយរំលោភហើយបានជិះគេចខ្លួនបាត់ ។
តាមសម្តីនារីរងគ្រោះបានឲ្យដឹងថា នៅមុនពេលកើតហេតុម៉ោងប្រហែល១រំលងអធ្រាត្រនាងបានចេញពីក្លិបអេឡិចត្រូ រួចក៏បានដើរតាមផ្លូវសហព័ន្ធរុស្ប៊ីពីកើតទៅលិចម្នាក់ឯង ។ លុះទៅដល់មុខរោងចក្រកាត់ដេរយីហោគង់ ហុង ស្រាប់មានក្មេងស្ទាវ៣នាក់ជិះម៉ូតូវីវ៉ាមួយគ្រឿងមកឈប់និយាយជាមួយនាងដោយបបួលទៅដេកផ្ទះសំណាក់ក្នុងតម្លៃ១០ដុល្លារ ដោយនាងដាច់យ៉ៃពេកក៏ព្រមព្រៀងទៅ ។ ពេលនោះនាងបានជិះជាមួយក្មេងស្ទាវទៅដល់វត្តវង្គដ្ឋបុរី ស្រាប់តែក្មេងស្ទាវទាំងនោះវាយនាងឲ្យសន្លប់រួចចាប់រំលោភបានសម្រេចហើយពួកវាបានជិះគេចខ្លួនបាត់។
ប្រភពបានបន្តទៀតថា ក្រោយពីនាងងើបពីសន្លប់ក៏បានដើរមកអង្គុយយំនៅមុខក្លោងទ្វារវត្ត ធ្វើឲ្យប្រជាពលរដ្ឋមានការសង្ស័យ និងចោមរោមមើលក៏សាកសួរទើបដឹងថានាងត្រូវគេរំលោភក៏បានរាយការណ៍ទៅនគរបាល ខណ្ឌសែនសុខចុះទៅដល់កន្លែងកើតហេតុនិងបានដាក់ពាក្យប្តឹងនៅនគរបាលប៉ុស្តិ៍ទឹកថ្លាដើម្បីស្រាវជ្រាវរកមុខជនសង្ស័យទាំង៣នាក់មកផ្តន្ទាទោស ៕
ប្រភពពី នគរវត្ត