១០ ចំណុច រំពឹងថា iPhone 5S មាន
iPhone 5S មួយរយៈចុងក្រោយនេះហាក់កក្រើកឡើងខ្លាំង។ ដំណឹងចចាមអារ៉ាមមានក៏ពុំតិចដែរ ដែលប្រភពខ្លះលើកឡើងថា iPhone ជំនាន់ថ្មីទី៧ នេះនឹងមានមុខងារកាន់តែសំបូរបែបជាងស៊េរីមុន។ តើការនិយាយតៗគ្នានេះ ជារឿងពិតឬមួយយ៉ាងណា? តើមានចំណុចណាខ្លះដែលសង្ស័យថាពិតជាមានបំពាក់លើ iPhone 5S មែន។
២) iPhone តម្លៃធូរថ្លៃមួយទៀតនឹងបង្ហាញវត្តមានស្របពេល iPhone 5S ចេញមុខ៖ ពុំមានរឿងអីចម្លែកនោះឡើយ ព្រោះថា Apple ក៏ធ្លាប់បានចេញជំនាន់ ‘mini’ លើ iPad របស់ខ្លួនរួចមកហើយ។ ការឌីហ្សាញ ព្រមទាំងលក្ខណៈសម្បត្តិរបស់ជំនាន់ mini នេះ គេធ្វើឡើងឱ្យស្របនឹងតម្រូវការតម្លៃនៅលើទីផ្សារ។ មិនខុសគ្នានឹង iPhone ដែរ គេរំពឹងមិនត្រឹមតែមាន iPhone 5S លេចមុខក្នុងឆ្នាំនេះទេ តែថែមទាំងមាន iPhone mini តម្លៃធូរថ្លៃផងដែរ។
៣) Steve Jobs ជាអ្នកឌីហ្សាញ iPhone 5S៖ មាន ចចាមអារ៉ាមលើកឡើងថា តាមពិតទៅ iPhone 5S នៅស្ថិតក្រោមស្នាដៃរបស់អតីតនាយកប្រតិបត្តិរបស់ Apple នៅឡើយទេ។ នេះអាចជារឿងពិត ព្រោះគេរំពឹងថាការរចនាម៉ូដនៅលើ iPhone 5S មិនខុសគ្នាពី iPhone 5 ដែលជាគំនិតរបស់ Steve Jobs ឡើយ។
៤) iPhone 5S មានច្រើនពណ៌៖ Apple ក៏ធ្លាប់បានបញ្ចេញ iPod ជំនាន់ទី៥ រួចមកហើយនៅក្នុងថ្ងៃប្រកាស iPhone 5 តែមួយជាមួយគ្នា។ បើតាមមតិអ្នកប្រើ ជាពិសេសសុភាពនារីតែងចូលចិត្ត smartphone ពណ៌ឆើតស្រស់ស្អាត។ តែទោះជាយ៉ាងណា គេជឿថាកត្តាពណ៌ពុំជាតម្រូវការយ៉ាងចាំបាច់របស់អ្នកប្រើនោះទេ។
៥) បំពាក់ Processor ល្បឿនលឿនជាងមុន៖ កាលពីឆ្នាំទៅមិញ ២០១២ Apple បានចេញ iPhone 4S ជំនាន់ថ្មីបន្ទាប់ពី iPhone 4 ដែលមានល្បឿនជាងមុន។ ការនេះធ្វើឱ្យគេសន្និដ្ឋានបានថា ឱ្យតែចេញជំនាន់មាន ‘S’ នោះនឹងមានកំណែប្រែកាន់តែល្អជាងមុនបូករួមទាំងល្បឿនដំណើរការផង ដែរ។
៦) Memory iPhone 5S ធំជាងមុន៖ ដូចដែល Apple ធ្លាប់បានបន្ថែមទំហំមេម៉ូរីនៅលើ iPad 4 អញ្ចឹងដែរ។ កាលពីដើមឆ្នាំ២០១៣នេះ Apple បានដំឡើងមេម៉ូរី iPad 4 ឡើងដល់ 120GB។ មិនខុសគ្នានេះដែរ ដូច្នេះគេរំពឹងថា Apple ក៏នឹងបន្ថែមជម្រើសទំហំ Memory នៅលើ iPhone 5S ដែលមានរហូតដល់ 120GB។
៧) កាមេរ៉ាទំហំ ១៣មេហ្កាភិចហ្សែល៖ iPhone 5S នឹងបំពាក់កាមេរ៉ាមានគុណភាពខ្ពស់ទំហំ 13MP។
៨) iPhone 5S នឹងបំពាក់ iOS 7៖ តើ Apple ពិតជានឹងបំពាក់ប្រព័ន្ធប្រតិបត្តិការជំនាន់ថ្មី iOS 7 នៅលើ iPhone 5S មែនឬមួយយ៉ាងណា? ប្រហែលដែរ។ តាមគេហទំព័រអន្តរជាតិមួយចំនួនកន្លងទៅនេះ បានលើកឡើងដែរថា iOS 7 នឹងមានកំណែទម្រង់ interface ថ្មីស្រស់ស្អាតជាងជំនាន់មុនៗ ដែលក្រុមហ៊ុនបានប្រកាន់ខ្ជាប់តាំងពីចេញ iPhone Original បំពាក់ iOS 3.1.3 នៅថ្ងៃទី២៩ ខែមិថុនា ឆ្នាំ២០០៧ ម្ល៉េះ។
៩) បច្ចេកវិទ្យា touchscreen ល្អប្រសើរជាងមុន៖ ជា ការពិតណាស់ touchscreen ជាចំណុចមួយដែលក្រុមហ៊ុនបច្ចេកវិទ្យាល្បីៗទាំងឡាយតែងយកចិត្តទុក ដាក់អភិវឌ្ឍ។ ដូចគ្នានេះដែរ Apple តែងគិតចង់កែលំអមុខងារមួយនេះឱ្យរឹតតែប្រសើរពីមួយជំនាន់ទៅមួយ ជំនាន់។ ព័ត៌មានកន្លងមក ក៏ធ្លាប់បានលើកឡើងដែរថា អេក្រង់ iPhone 5S នឹងប្រើបានរលូនជាងមុន។
១០) ប្រកាសជាផ្លូវការធ្វើឡើងដោយ Apple នៅថ្ងៃទី២០ មិថុនា ឆ្នាំ០១៣៖ គេហទំព័រ MacRumors ថ្មីនេះអះអាងថា កាលបរិច្ឆេទខាងលើជារឿងពិត។ ប្រសិន Apple ពិតជាប្រកាស iPhone 5S នៅអំឡុងខែមិថុនាមែន នោះគេជឿថា smartphone កូនពៅមួយនេះនឹងចេញលក់ក្រោយថ្ងៃប្រកាសបាន ១ខែ គឺនៅខែកក្កដា។
ចុះប្រិយមិត្តវិញយល់យ៉ាងចំពោះ ១០ ចំណុចខាងលើ? តើ iPhone 5S ពិតជាមានលក្ខណៈសម្បត្តិព្រមជាមួយសមត្ថភាពដូចខាងរៀបរាប់ខាងលើ ទេ?
